മൂന്നാര്‍ - 3

ഇത് എവിടെയാണെന്ന് പറയാമോ?

വീണ്ടും കാരറ്റ്!

മടങ്ങാന്‍ നേരമായെന്ന് ഓര്‍മ്മിപ്പിക്കുന്നു സൂര്യന്‍...

മൂന്നാര്‍ - 2

ഇത്രയും ഫ്രഷ് കാരറ്റ് ജീവിതത്തില്‍ ആദ്യമായി കണ്ടത് മൂന്നാറില്‍. ഉഗ്രന്‍ രുചിയും!

തേയിലത്തോട്ടങ്ങളുടെ ഭംഗിയെക്കുറിച്ച് പ്രത്യേകിച്ച് എഴുതേണ്ടതില്ലല്ലോ!

ഇളം തണുപ്പിന്‍ പറ്റിയ ചുട്ടെടുത്ത ഇളം ചോളം!

ചുവന്നുള്ളി മാല.
ഇത് അലങ്കാരത്തിനല്ല, തൊണ്ടവേദനയ്ക്കുള്ള മരുന്നാണത്രേ!
ഒരു ദിവസം ഈ മാലയിട്ടു നടന്നാല്‍ തൊണ്ടവേദന പമ്പകടക്കുമെന്ന് നാട്ടുവൈദ്യം.

മൂന്നാര്‍ - 1

പ്രകൃതിയുടെ അനുഗ്രഹം നിറഞ്ഞ മൂന്നാര്‍

റിലാക്സ്

കടലും കാറ്റും യാത്രകളും...
തായ്‌ലാന്റിലെ കരോന്‍ കടല്‍ത്തീരം.

തീ പിടിച്ച കോട്ട

ഗോല്‍ക്കൊണ്ട ലൈറ്റ് ആന്റ് സൌണ്ട് ഷോ.
നിഴലും വെളിച്ചവും ചാലിച്ച്
ചരിത്രം പറഞ്ഞു തന്നതില്‍ നിന്ന്...

സൂര്യഗ്രഹണം

 

ഗ്രഹണം.
സൂര്യനെ പാമ്പ് വിഴുങ്ങുന്നെന്നും പറയും.
ആപ്പിള്‍ കടിച്ച പോലെയെന്ന് ഒരു കുഞ്ഞ് കവി ഭാവന!

ഓടിക്കോ...

വനസ്തലിപുരം ഡിയര്‍ പാര്‍ക്ക് . സിറ്റിയില്‍ നിന്നും 15-16 കിലോമീറ്റര്‍ മാറി വിജയവാഡ ഹൈ വേയില്‍ സ്ഥിതി ചെയ്യുന്നു. ഒരിക്കല്‍ നിസ്സാമിന്റെ വേട്ട പറമ്പാണ് ഇന്നത്തെ Mahavir Harina Vanasthali National Park ആയി മാറിയത് എന്നു ചരിത്രം പറയുന്നു.

പൂച്ചട്ടികള്‍

പൂച്ചട്ടികള്‍ കൊണ്ട്,
നിറങ്ങള്‍ കൊണ്ട്,
ജാലകം!

പിന്‍‌മൊഴിയില്‍ നിന്ന് പുറത്തേയ്ക്ക്...

ഇതോടെ, എന്റെ ബ്ലോഗുകളില്‍ നിന്ന് പിന്മൊഴിയിലേക്കുള്ള കമന്റ് അയയ്ക്കല്‍ നിറുത്തുന്നു.
കമന്റുകള്‍ വായിക്കുവാന്‍ പുതിയ ബ്ലോഗറിന്റെ കമന്റ് ഫീഡുകള്‍ ഉപയോഗിക്കുക.

ഹോളി

 

 

 

 

പീച്ചാംകുഴലുകളുമായി കൂട്ടിപ്പട്ടാളം,
നിറങ്ങള്‍ വാരിപ്പൂശി, ഹോളി!

യാത്ര

ഇനിയും എത്ര കാതം...

ഹൈദരബാദ് ഹൈകോര്‍ട്ട്.

മുസി നദിയുടെ കരയില്‍ സ്ഥിതി ചെയ്യുന്ന ഹൈദരബാദ് ഹൈകോര്‍ട്ട്. 1919-ല്‍ ഏഴാമത്തെ നിസാം ആണ് മനോഹരമായ ഈ കെട്ടിടം പണി കഴിപ്പിച്ചിരിക്കുന്നത്. ചുവപ്പും വെള്ളയും കല്ലുകള്‍ കൊണ്ട് നിര്‍മ്മിച്ചിരിക്കുന്ന ഈ കെട്ടിടം ഇന്‍ഡോ-സരസിനിക് ആര്‍ക്കിടെക്ചറിന്റെ ഒരു നല്ല ഉദാഹരണം തന്നെയാണ്.

കൂടുതല്‍ വിവരങ്ങളും ചരിത്രവും: http://hc.ap.nic.in/aphc/history.html

വളകള്‍

നേര്‍ത്ത അലൂമിനിയം കമ്പികള്‍കൊണ്ട് ഉണ്ടാക്കിയ വളയുടെ പുര്‍ത്ത് ലക്വര്‍ ബേസ് ഉണ്ടാക്കുന്നു. ഇതിനെ ചായംപൂശി പോളിഷ് ചെയ്യുന്നു. ഇതില്‍ കല്ലുകള്‍ പതിപ്പിക്കുന്നു.ഈ വളകളുടെ വില 100മുതല്‍ 5000 രൂപ വരെയാണു്. ലക്വര്‍ വളകള്‍ വില്‍ക്കുന്ന 350ല്‍ പരം കടകള്‍ ലാഡ് ബസാറില്‍ ഉണ്ടു്

പിറന്നാള്‍ മധുരം

ഇന്ന് ലോകം ആഘോഷിച്ച പിറന്നാള്‍!!!

പുതുവര്‍ഷത്തിലേക്ക് സ്വാഗതം

സ്നേഹവും ഐശ്വര്യവും നന്മകളും നിറഞ്ഞ 2007 എല്ലാവര്‍ക്കും ആശംസിക്കുന്നു.....

ചാര്‍മിനാര്‍

ഹൈദരബാദിലെ ഒരു പ്രധാന ചരിത്രസ്മാരകമാണ് ചാര്‍മിനാര്‍. 1591-ല്‍ മുഹമ്മദ് ഖുലി ഖുത്ബ്ഷായാണ് ചാര്‍മിനാര്‍ നിര്‍മ്മിച്ചത്. സമചതുരാകൃതിയിലാണ് ചാര്‍മ്മിനാറിന്റെ നിര്‍മ്മാണം. ഗോല്‍ക്കൊണ്ടയില്‍ നിന്ന് ഹൈദരബാദിലേക്ക് തലസ്ഥാനം മാറ്റിയതിനുശേഷം പൊട്ടിപ്പുറപ്പെട്ട പ്ലേഗ് നിര്‍മ്മാര്‍ജ്ജനം ചെയ്തതിന്റെ ഓര്‍മ്മയ്ക്കായാണ് ഈ മോസ്ക് നിര്‍മ്മിക്കപ്പെട്ടത്. ഓരോ മിനാരങ്ങളും 48.7മീറ്റര്‍ ഉയരത്തിലാണ്.

കൂടുതല്‍ വിവരങ്ങള്‍ക്ക് വിക്കിപീഡിയ നോക്കുക: http://en.wikipedia.org/wiki/Charminar

ഷോലാപിത്

  

 

 

 

Shola pith is a milky-white sponge-wood which is carved into delicate and beautiful objects of art of India. Shola is a wild plant found in marshy waterlogged areas of Bengal and Assam. The shola pith is the cortex or core of the plant and is an inch and a half in diameter. The outer harder brown skin is removed by expert hands to reveal the inner soft milky-white and spongy material. Artists from Bengal, Assam, Orissa and Tamilnadu use it for making artefacts used for decoration and ornate head-wears of bridal couples. The finest examples of craftsmanship are however seen on images of gods and goddesses on festivals, especially the massive decorative backdrops made for "Durga- Puja" celebrations.

കുഴല്‍‌ക്കിണര്‍

 






 

 

 

മണ്ണ് തുരന്ന്, പാറ പിളര്‍ന്ന്, ഭൂമിക്കടിയിലേക്ക്....
രാവിലെ ആറ് മണിക്ക് തുടങ്ങുന്നതാണീ പണി.
രാത്രി പത്ത് വരെ നീളും.
പാചകവും, ഭക്ഷണവും, ഉറക്കവും ഇവിടെത്തന്നെ, ഈ പണിയെടുക്കുന്നവര്‍ക്ക്

പോച്ചം‌പള്ളി - നെയ്ത്തുകാരുടെ ഗ്രാമം

ആന്ധ്രയിലെ നല്‍ഗൊണ്ട ജില്ലയിലെ ഒരു ചെറിയ ഗ്രാമമാണ് ഇക്കാത് സാരികള്‍ക്ക് പേരു കേട്ട ഭൂദാന്‍ പോച്ചംപള്ളി. പോച്ചം‌പള്ളിയിലേക്ക് ഹൈദരാബാദില്‍ നിന്ന് 35 കിലോമീറ്റര്‍ ദൂരമുണ്ട്. മൂവായിരത്തോളം കുടുംബങ്ങളാണ് പോച്ചം‌പള്ളിയില്‍ ഈ തൊഴിലിലേര്‍പ്പെട്ടിരിക്കുന്നത്. അവിടെ കണ്ട മിക്ക വീടുകളിലും ഒരു തറിയെങ്കിലും ഉണ്ടായിരുന്നു. വീടെന്നതിലുപരി നെയ്ത്തുപകരണങ്ങളായിരുന്നു അവിടെങ്ങും. അതിനിടയിലായിരുന്നു അടുക്കളയും കിടപ്പുമുറിയും എല്ലാം. പലപ്പോഴും കുടുംബാംഗങ്ങളെല്ലാം ചേര്‍ന്നാണ് നെയ്ത്തും അനുബന്ധ ജോലികളും ചെയ്യുക. അതിനിടയില്‍ 2000 രൂപ മാസശമ്പളത്തിന് ജോലി ചെയ്യുന്നവരും ഉണ്ട്. സാരികള്‍, ബെഡ് ഷീറ്റുകള്‍, ചുരീദാര്‍ മെറ്റീരിയല്‍ തുടങ്ങിയവയാണ് ഇവിടുത്തെ പ്രധാന ഉല്പന്നങ്ങള്‍.

അങ്ങോട്ടുള്ള യാത്രയ്ക്കിടയിലെ ചില കാഴ്ചകള്‍:







പോച്ചം‌പള്ളി സാരികള്‍ക്ക് ഇപ്പോള്‍ പേറ്റന്റ് ലഭിച്ചിട്ടുണ്ട്. നൂലില്‍ ടൈ ആന്റ് ഡൈ ചെയ്തെടുക്കുന്നവയാണ് ഈ സാരികള്‍.


സില്‍ക്ക് അല്ലെങ്കില്‍ പരുത്തി നൂലിലാണ് പോച്ചം‌പള്ളി ഡിസൈനുകള്‍ ഒരുക്കുന്നത്. ആദ്യം നൂലിനെ ടൈ ആന്റ് ഡൈ ഫ്രെയിമില്‍ ഒരുക്കുന്നു. താഴെയുള്ള ഫോട്ടോയൊലെ ഫ്രെയിമിന്റെ അളവ് ഒരു സാരിയുടെ വീതിയാണ്. ബോബിനില്‍ നിന്ന് ഈ ഫ്രെയിമിലേയ്ക്ക് നൂല്‍ മാറ്റുന്നതിന്റെ സ്പീഡ് താഴത്തെ ഫോട്ടോയില്‍ നോക്കിയാല്‍ അറിയാം.



ഗ്രാഫ് പേപ്പറുകളിലാണ് പോച്ചം‌പള്ളി ഡിസൈനുകള്‍ ആദ്യം വരയ്ക്കുന്നത്. ഈ ഡിസനുകള്‍ ടൈ ആന്റ് ഡൈ ഫ്രേമില്‍ തയ്യാറാക്കിയിരിക്കുന്ന നൂലിലേക്ക് മാറ്റും. സാധാരണ കരിക്കട്ടയോ അല്ലെങ്കില്‍ സ്കെച്ച് പെന്നോ ആണ് വരയ്ക്കാന്‍ ഉപയോഗിക്കുക. താഴെയുള്ള ഫോട്ടോയില്‍ സൂക്ഷിച്ചു നോക്കിയാല്‍ ചെറിയ നീല വരകള്‍ കാണാന്‍ കഴിയും.





ഈ ഫ്രൈമില്‍ ഡിസൈനിനുസരിച്ച് ചെറിയ നൂലുകൊണ്ട് ആദ്യം ടൈ ചെയ്യും. പിന്നെ റബ്ബര്‍ സ്ട്രിപ്പുകള്‍ കൊണ്ട് നന്നായി വരിഞ്ഞു കെട്ടും. നിറം പിടിപ്പിക്കേണ്ട ഭാഗം മാത്രം തുറന്നിരിക്കും. ആദ്യം ഇളം നിറങ്ങളാവും കൊടുക്കുക.




കെമിക്കലുകള്‍ ഉപയോഗിച്ചാണ് നൂലുകള്‍ക്ക് നിറം കൊടുക്കുക. നൂലുകള്‍ തിളച്ച വെള്ളത്തില്‍ നിറം കലക്കിയ ശേഷം മുക്കി, അരമണിക്കൂര്‍ വച്ചേക്കും. അതിനുശേഷം അതിനെ അയയില്‍ തൂക്കിയിട്ട് ഉണക്കും.

നൂലുകളെ ഡിസൈനിനനുസരിച്ച് വാര്‍ഫ് ബീമില്‍ ഉറപ്പിക്കുന്നത് വളരെ ശ്രമകരമായ പണിയാണ്. ഇവിടെ തെറ്റിയാല്‍ ഡിസൈന്‍ മുഴുവന്‍ തെറ്റിപ്പോകും. വളരെ ശ്രദ്ധയോടെ ചെയ്യേണ്ട പണി.



വാര്‍ഫ് ബീം കൈത്തറിയില്‍ ഉറപ്പിച്ച് നെയ്ത്ത് തുടങ്ങുകയായി. ഒരു സാരിയുടെ നെയ്ത്ത് മാത്രം ഏകദേശം 5 ദിവസം കൊണ്ടാണ് ചെയ്യുക. നൂലില്‍ നിറം മുക്കുന്നതും, തറിയൊരുക്കുന്നതും പോലെയുള്ള പണികള്‍ വേറെ.









പോച്ചം‌പള്ളി കൈത്തറി സഹകരണ സംഘത്തിന്റെ ഓഫീസും കടയും. ആയിരത്തോളം അംഗങ്ങള്‍ ഈ സൊസൈറ്റിയിലുണ്ട്. സൊസൈറ്റി നല്‍കുന്ന അസംസ്കൃതവസ്തുക്കള്‍ ഉപയോഗിച്ച് നിര്‍മ്മിക്കപ്പെടുന്ന ഉല്പന്നങ്ങള്‍ ഇവിടെത്തന്നെ വില്‍ക്കുന്നു. അസംസ്കൃതവസ്തുക്കളുടെ വില കുറച്ച് ഉല്പന്നത്തിന്റെ നിലവാരത്തിനനുസരിച്ച് സൊസൈറ്റി നല്‍കുന്നതാണ് അവരുടെ പ്രതിഫലം.






മുകളില്‍ കാണുന്ന പച്ച സില്‍ക് സാരിയ്ക്ക് 1500 രൂപയാണ് വില. സാധാരണ കോട്ടണ്‍ ഡബിള്‍ ബെഡ്ഷീറ്റുകള്‍ 300 മുതല്‍ 500 രൂപ വരെ വിലയുണ്ട്. ബെഡ്ഷീറ്റിനോടൊപ്പം രണ്ട് തലയിണ ഉറകളും കിട്ടും. ചുരീദാര്‍ സെറ്റ് കോട്ടണ്‍ 300 മുതല്‍ 600 വരെയുണ്ട്.